haes groub


    حوار بين زوج وزوجته

    شاطر
    avatar
    magic girl
    Admin
    Admin

    عدد المساهمات : 509
    تاريخ التسجيل : 06/06/2009

    حوار بين زوج وزوجته

    مُساهمة من طرف magic girl في الخميس يونيو 25, 2009 4:17 am

    الزوج:.
    حبيبتي انا حأطلب بيتزا , عايزة حاجة؟

    الزوجة :.
    لا ياحبيبي

    الزوج:.
    أوكي

    الزوجة:.
    ولا أقول لك......؟

    الزوج:.
    ها... أطلب لك كمان؟

    الزوجة:.
    مش عارفة

    الزوج:.
    مش عارفة اذا كنتي عايزة؟

    الزوجة:.
    لا

    الزوج:.
    انتي جوعانة؟

    الزوجة :.
    يعني

    الزوج:.
    يعني ايه يعني...؟

    الزوجة:.
    يعني انا مش منأكدة اذا كنت جهانة ولا لا

    الزوج:.
    الواحد بيعرف اذا كان جعان ولا لا

    الزوجة:.
    لا بس يمكن أجوع بعدين

    الزوج:.
    يعني أطلب لك بيتزا؟

    الزوجة:.
    طيب اذا ما كنتش جوعانة؟

    الزوج:.
    ما تاكليش

    الزوجة:.
    بس ده يبقى تبذير

    الزوج:.
    خلاص تبقي تاكليه بكرة

    الزوجة:.
    وإذا ماكانش لي نفس في بيتزا بكرة؟

    الزوج:.
    مش محتاجة نفس , ده الواحد يقدر ياكل بيتزا كل يوم

    الزوجة:.
    أنا لا ... انا مش باكل بيتزا الا اذا كان لي نفس

    الزوج:.
    طيب بلاش ... اطلب لك حاجة تانية؟

    الزوجة:.
    بس انا مش عايزة حاجة تانية

    الزوج:.
    يعني عايزة بيتزا؟

    الزوجة:.
    لا

    الزوج:.
    يعني مش عايزة حاجة؟

    الزوجة:.
    لا

    الزوج:.
    جننتيني, طيب أعمل ايه؟

    الزوجة:.
    أطلب لنفسك

    الزوج:.
    طيب ....الحمدلله...ماشي

    الزوجة:.
    بس أطلب بيتزا بالتونة

    الزوج:.
    نعم؟ انا مابحب البيتزا بالتونه

    الزوجة:.
    بس انا بحبها

    الزوج:.
    انت مالك ومال أهلك؟ هو انا حأطلب لي ولا ليكي؟

    الزوجة:.
    ليك طبعا

    الزوج:.
    طيب ليه اطلبها بأه بالتونه؟

    الزوجة:.
    يمكن اجوع لما يوصل

    الزوج:.
    وبعدين؟

    الزوجة:.
    ياسلام , يعني تفتكر اني آكل حاجة مش عجباي

    الزوج:.
    لية انتي - اصلا - عايزة؟

    الزوجة:.
    لا ليه؟

    الزوج:.
    يا مثبت العقل - هو انا حأطلب بيتزا لي -عشان احتمال انت تجوعي وتأكليها؟

    الزوجة:.
    بالضبط

    الزوج:.
    وانا بلاش أكل؟

    الزوجة:.
    يمكن وقتها مش حأكون جعانه

    -------------------------------------------------------------

    ملاحظة:.
    (((محكمة جانيات بالقاهرة قررت تبرئة الزوج من تهمة "قتل الزوجة مع سابق الإصرار والترصد"

    وتحويل التهمة الى قتل الزوجة دفاعا عن العقل))).

    -----------------------------------------------------------

    النهاية

    Laughing Laughing Laughing Laughing Laughing Laughing Laughing Laughing Laughing
    avatar
    yami
    Admin
    Admin

    عدد المساهمات : 284
    تاريخ التسجيل : 06/06/2009

    رد: حوار بين زوج وزوجته

    مُساهمة من طرف yami في الخميس يونيو 25, 2009 4:51 am

    ايه الزوجه الرخمه دي
    avatar
    somona
    Admin
    Admin

    عدد المساهمات : 323
    تاريخ التسجيل : 06/06/2009

    رد: حوار بين زوج وزوجته

    مُساهمة من طرف somona في الخميس يونيو 25, 2009 6:48 am

    اية الشللللللللللللللللل دة
    دية زوجة رخمة وتنحة ومعندهاش ريحة الدم
    وبصراحة حلال فيها الى عملو دة Twisted Evil

      الوقت/التاريخ الآن هو الثلاثاء نوفمبر 21, 2017 3:11 am