haes groub


    تقليد اسامه منير

    شاطر
    avatar
    احلى بنت
    نائب المدير
    نائب المدير

    عدد المساهمات : 278
    تاريخ التسجيل : 12/06/2009
    العمر : 28

    تقليد اسامه منير

    مُساهمة من طرف احلى بنت في الجمعة يونيو 12, 2009 12:58 pm

    اليوم هاتكلم عن موضوع يمكن كلنا ملاحظينة
    تقليد اسامة منير راديو اف ام......

    يا جماعة انتو مش ملاحظين ان الكلام العاطفى والتعبيرات الرومانسية زادت اوى اليومين دول دى مش بس زادت دي رطرطت ........حبيب قلبي _روحـــــى_نور عينى_واحشنى يا غالي_انت فينك يا قمر_والنعمة الشريفة بموت فيك. الكلام الحلو دا كلة ماكانش في قاموسنا اليوم والكلام دا مش بس بيقولوا راجل لست او ست لراجل لا دا بيقولوا راجل لراجل وست لست واى حد تقابلوا يقوم رزعك طقم حنية كدة من غير اى مناسبة وساعات من غير سابق معرفة الشيء الغريب وشلالات الحب دة وتعبيرات الحب الفظيعدة جاى في وقت الحب فية انتهى تماما والناس مابقتش طايئة بعضها والحقيقة ثورة الاتصالات اخترعت لنا وسائل جديدة للتعبير عن الحب مسجات ورنات جاهزة لا تتعب دماغك ولا تفكر يدوب تضغط sent وصلت يا باشا وكلنا طبعا فاكرين عبد الحليم حافظ ولبنا عبد العزيز في الوسادة الخالية ومكالمات التليفون اللى كانت شغالة بينهم طول الليل ولبنا بتقول لة بصوتها اللى يدوّخ اقفل بقي يا صلاح وصلاح مش عايز يقفل وطبعا عبد الحليم ولبنا كانوا بيتكلموا بالساعات كدة من غير اي مشاكل لان مصلحة التليفونات ايامها كانت بتدفع فلوس للبيتكلموا في التليفون عشان يشجعوا الناش تتكلم النهاردة بقي هنستعرض مع بعض قاموس لألفاظ عاطفيةجديدةدخلت حياتنا بعد ظهور الموبايل تلاقي اللى بتكلمك في نهاية المكالمة بتقولك يلا باى اية يلا باى دى اكنها مصدقت تسيبك وبعدين طلعت حاجة جديدة see you اية الكلمة دى ظهرت بقي قفلة جديدة خالص للمكالمات تلاقي الانسة اللى بتكلمك بعد 3 ساعات ضحك وهذار قبيح وكلام فاضي من اللى قلبك يحبة فاجئة تقولك بتأسر لا الة الا الله وطبعا لازم نرد محمد رسول الله طبعا ذكر الله شيء عظيم بس اية موقعوا هنا وبعدين انا مش مسافر استراليا او رايح اعمل عملية جراحية دي بتكلمنى 19 مرة في اليوم وكل مرة تقفل كدة لا اله الا الله .......اشوفكم بعد الفاصل

    خدوا دى جديدة برضوا في نهاية المكالمة بعد سيي يو ويلا باى والحاجات دى فاجئة وقبل ما اهبد السماعة في وشها تقولىtake care يعنى اية الكلمة دى هي بتكلمنى ونا بتسلق جبل المقتم وخايفة لحسن اقع على جذور رقبتى ولا رايح اتخانق مع جماعة في الدويئة واحتمال ما ارجعش take care كدة في المطلق اخلى بالى من اية وطلعت ظاهرة تانية غيظانى شوية لما تتصل هي بيا واقول الوو تقوم هي مخضوضة وتقولى مالك صوتك مش عاجبنى طمنى عليك انا ماقولتش غير الوو احلفلها انى كويس جدا ومفيش اي حاجة وهى طبعا مش مصدقانى فكرانى مخبي عليها مصيبة واقع فيها بلييز قوللى ماتخبيش عليا حاجة واقول لها والنعمة ما فية حاجة
    مدام هي مخضوضة لازم انا كمان يكون عندى حاجة تخض اومال اسيبها تتخض كدة على الفاضي اقول لها مفيش اصل عندى شوية برد تصرخ وتقولك لازم تعمل check up الولية دى بتصرخ علي اية.

    حب حب حب في الشارع حب في المصالح الحكومية حب وفي كل مكان والدنيا مليانة حب يااارب شوية كراهية بقي ههههههههه

    ولما يكون في ميت تلاقي كلو بيصوت وماتعرفش مين اللى مات اصلا قرب ساعدتك ولمع الاوكر تلاقيهم نازلين ضحك وحنبقة وتلاقي واحد بيقول للتانى سمعت اخر نكتة وينزلوا ضحك

    ولما تكون في فرح تلاقي المعازيم شوية منهم عاملين تجمع خبيث قرب ساعدتك ولمع الاوكر واسمع تلاقيهم نازلين تقطيع في فروة العروسة والعريس وعاملين حبايبهم
    كل دا حب يارب شوية كرااااااااهية بقي
    ههههههههههههههههههه
    avatar
    yami
    Admin
    Admin

    عدد المساهمات : 284
    تاريخ التسجيل : 06/06/2009

    رد: تقليد اسامه منير

    مُساهمة من طرف yami في الجمعة يونيو 26, 2009 7:07 am

    هههههههههههههههه جميل جدا
    avatar
    dode2005
    نائب المدير
    نائب المدير

    عدد المساهمات : 471
    تاريخ التسجيل : 15/06/2009

    رد: تقليد اسامه منير

    مُساهمة من طرف dode2005 في السبت يونيو 27, 2009 4:50 am

    هههههههه شكرا على الموضوع الرائع Smile

      الوقت/التاريخ الآن هو الجمعة فبراير 23, 2018 7:35 pm